അജഗണത്തിന്റെ കശാപ്പുകാര്‍

കഥ അറിയാതെ ആട്ടം ആടുന്ന എന്റെ പൊന്നു സഹോദരങ്ങളോട് ഒന്ന് മാത്രം – നാവിന്‍തുമ്പില്‍ വാര്‍ന്നൊലിക്കുന്ന വിവരക്കേടുകള്‍ കടലാസ്സിലേക്ക് പകര്‍ത്തുമ്പോള്‍ അറിയുന്നുണ്ടോ നിങ്ങള്‍ എന്താണ് ചെയ്യുന്നത് എന്ന്?

കഴുത തന്റെ കാമം കരഞ്ഞു തീര്‍ക്കുംപോലെ നിങ്ങള്‍ എന്ത് ചെയിതാലും ഈ മാറിപ്പോയ കണ്‍വെന്‍ഷന്‍ ഇവിടെ തിരിച്ചു വരില്ല. തീര്‍ച്ചയായും നിങ്ങള്‍ ഇനിയും നിരന്തരമായി  KCS നേതൃതതെയും KCCNA നേതൃതതെയും കുറ്റം പറയുകതന്നെ വേണം. കൂടാതെ ഇന്നും കണ്‍വെന്‍ഷന്‍ സ്വപ്നവുമായി നടക്കുന്ന നമ്മുടെ നഷ്ടലോലനായ കുട്ടപ്പന്ചെട്ടന്നെ വാനോളം മുകളില്‍ കുടിയിരുത്താനും മറക്കണ്ട.

എന്തിന്റെ പേരിലായാലും ചിക്കാഗോയില്‍  ഒരു കണ്‍വെന്‍ഷന്‍ നടത്തണം എന്ന് മാത്രം ചിന്തിച്ച് തേരാപാര നടക്കുന്ന നിങ്ങള്ക്ക് അറിയാന്‍ കഴിയുന്നുണ്ടോ രക്തരക്ഷസ്സിന്റെ സ്വപാവമുള്ള ഒരു മനുഷ്യന്‍ തിരുവസ്ത്രങ്ങള്‍ അണിഞ്ഞു നമ്മുടെയെല്ലാം ചോര കുടിക്കുന്നുവെന്ന്. ഒരുമയോടെ സമുദായാത്തെ നിലനിര്‍ത്തേണ്ട നമ്മള്‍ തമ്മിലടിക്കുമ്പോള്‍ നമ്മള്‍ നഷ്ടപെടുത്തുന്നത് 1700 വര്‍ഷത്തെ പൈതൃകം മാത്രമല്ല്ല, മറിച്ച് ആദിപിതാവായ എബ്രഹാം മുതലുള്ള സംപുഷ്ട്ടമായ  ദൈവദത്തമായ നമ്മുടെ സമുദായത്തെ മൊത്തമാണ്. കണ്‍വെന്‍ഷന്‍ സമുദായത്തിന് വേണ്ടിയാണോ അതോ സമുദായം കണ്‍വെന്‍ഷന്‍ വേണ്ടിയാണോ എന്ന് ചിന്തിക്കാന്‍ നാം തയ്യാറാകണം.

വിഷം ഇറപ്പിക്കാന്‍ തുനിയുന്ന ആപചാര വൈദ്യന്മാരോട് ചോദിക്കുക എവിടെയായിരുന്നു നിങ്ങള്‍ ഇത്രയും നാള്‍ എന്ന്. നിങ്ങള്‍ നശിപ്പിക്കാന്‍ തുനിയുന്ന ഈ മൂര്‍ഖന് ഒരു വലിയ പ്രത്യേകതയുണ്ട്. ഇതു കടിച്ചാല്‍ കടിക്കുന്നവരിലെ അതിനീചമായ പൈശാചിക വിഷം ഉടനടി പുറത്തുവരും. ഇന്നു നിങ്ങള്‍  കാണുന്നത് അത് മാത്രമാണ്. നിസ്സഹകരണം മാറ്റിയാല്‍  നമ്മള്‍ക്കായി  റോമില്‍ പോയി ആലഞ്ചേരി പിതാവിനൊപ്പം പരിശ്രമിച്ചു വേണ്ടത് ചെയ്യാമെന്ന് പറയുന്നവരോട് ഒന്ന് ചോദിക്കട്ടെ. എന്ത് നിസ്സഹകരണത്തിന്റെ അടിസ്ഥാനത്തിലാണ് നമുക്ക് നമ്മുടെ മൂന്നിലൊന്നു ജനങ്ങള്‍ താമസിക്കുന്ന മലബാര്‍ മേഖലയ്ക്ക് ഇതുവരെ ഒരു രൂപത കിട്ടാത്തത്? ആരുടേയും അനുവാദം ഇല്ലാതെ തന്നെ വേണ്ടത് ചെയ്യാന്‍ കഴിയുന്ന മലബാറില്‍ ചുരുങ്ങിയത് മൂലക്കാട്ട് ഫോര്‍മുല അനുസരിചെങ്കിലും ഒരു രൂപത വാങ്ങിയെടുക്കാന്‍ എന്തെ സാധിക്കാത്തത്? സഹായ മെത്രാനായി അരപ്പട്ട കിട്ടിയ നാള്‍ മുതല്‍ അമേരിക്കയിലും ഗള്‍ഫു നാടുകളിലും യൂറോപ്പിലും എല്ലാം പോയി ക്നാനായ സമുദായത്തിന്റെ അസ്തിത്വത്തെ അപകടപ്പെടുത്തുന്ന പ്രസ്താവനകള്‍ നടത്തുന്ന നമ്മുടെ തിരുമേനിയില്‍ നിന്ന് എങ്ങിനെയാണ്‌ നമ്മുടെ സമുദായത്തിന്റെ സംരക്ഷണം ഉറപ്പുവരുത്താന്‍ സാധിക്കുക?

തിരുഹിതം നിറവേരറിയെന്നതുപോലെ അതിഗൂഡമായ ചതിയുടെ പ്രതിഫലനമാണ് നാമിന്നു കാണുന്ന മൂലക്കാട്ട് ഫോര്‍മുല. ക്നാനായ തനിമയില്‍ വെള്ളം ചേര്‍ത്ത് നേടുന്ന നേട്ടം ആര്‍ക്കുള്ളതാണ്? ക്നാനായ മക്കള്‍ക്ക് വേണ്ടി കണ്ണീര്‍ പൊഴിക്കാന്‍ വെമ്പുന്ന ഈ  വര്‍ഗത്തെ ഉദേശിച്ചല്ലേ രണ്ടായിരം വര്ഷം മുന്‍പ് അണലി സന്തതികളെന്നും വെള്ളയടിച്ച കുഴിമാടങ്ങളെന്നും വിളിച്ചത്. ക്നാനായ തനിമയുടെ അന്തസത്ത തിരുത്തിക്കുറിക്കുന്ന മൂലക്കാട്ട് തിരുമേനിയുടെ ഈ നീചമായ തീരുമാനം തന്നെയാണോ VG പിന്നാമ്പുറത്ത് നിന്ന്  കന്ട്രോള്‍ ചെയ്യുന്ന നോര്‍ത്ത് അമേരികന്‍ ബ്ലോഗിന്റെ കൂലി എഴുത്തുകാര്‍ക്കും ഉള്ളത്?  നാളിതുവരെ നമ്മുടെ പൂര്‍വീകര്‍ കാത്തു സംരക്ഷിച്ചുപോന്ന ഈ മഹത്തായ പാരമ്പര്യത്തെ തള്ളിക്കളഞ്ഞുകൊണ്ട് തൊലിനിറവും മുഖത്തിന്റെ കാന്തിയും പണവും സ്വത്തും ലക്ഷ്യമാക്കി സ്വാര്‍ത്തതയ്ക്കുവേണ്ടി നമ്മെ വിട്ടുപോയ സഹോദരങ്ങളെപോലെ   ഇനി ആര്‍ക്കെങ്കിലും അവര്‍ എത്ര ഉന്നതനായാലും എന്തിന് അരയില്‍ അരപ്പട്ടയും തലയില്‍ കിരീടവും കയ്യില്‍ അമ്ശവടിയും ഉണ്ടായാല്‍ പോലും നമ്മെ പിരിഞ്ഞുപോകാം.  സകല സമുദായ ദ്രോഹികളോടും ഞങ്ങള്‍ക്ക് പറയാന്‍ ഉള്ളത് ഒന്ന് മാത്രം. ക്നാനായ സമുദായാത്തെ സ്നേഹിക്കുന്ന, ഞങ്ങളെ സ്നേഹിക്കുന്ന, നന്മ മാത്രം വിളയാടുന്ന നല്ല ക്നാനായ മാതാപിതാക്കളില്‍ ജനിച്ച അരൂപിയുള്ള വൈദീകരെക്കൊണ്ടും ഇച്ചാശക്തിയുള്ള സമുദായ നേതാക്കളെകൊണ്ടും   ഞങ്ങള്‍ ഈ സമുദായാത്തെ മുന്നോട്ടു കൊണ്ടുപോകും.

അതി ഗൂഡമായ നീചലക്ഷ്യങ്ങളോടെ ക്നാനായ  സമുദായാത്തെ നശിപ്പിക്കാന്‍ തുനിഞ്ഞിരങ്ങിയിരിക്കുന്ന ളോഹയിട്ട നീചജന്മങ്ങളെ തിരിച്ചറിഞ്ഞ് സമുദായത്തിന്റെ നന്മക്കായി പരസ്യമായി മുന്നോട്ടു വരുവാന്‍ ആത്മാഭിമാനമുള്ള എല്ലാ ക്നാനായ സഹോദരങ്ങളോടും ഞങ്ങള്‍ ആവശ്യപ്പെടുന്നു. നാളെയെന്നൊരു ദിവസം നമുക്കില്ല മറിച്ച് ഇന്നാണ് നമ്മുടെ ദിവസം. കണ്‍വന്‍ഷന്‍ നടത്താന്‍ വേണ്ടി സമുധായത്തെ ബെന്തിയാക്കാന്‍ ശ്രമിക്കുന്ന അണലിസന്തതികളായ നീചരായ പുരോഹിത വര്‍ഗത്തിനെതിരെ പൌലോസ്ലീഹയുടെ സത്യത്തിന്റെ പടിവാളുമായി നമുക്കോരോരുത്തര്‍ക്കും മുന്നോട്ട് വരാം. ഉച്ചസ്വരത്തില്‍ നമ്മുടെ പൂര്‍വീകരെ നമസ്കരിച്ച് നമ്മുടെ ക്നാനായ സമുദായത്തെ ഈ ചതിയന്മാരായ പുരോഹിതവര്‍ഗത്തിന് വിട്ടുകൊടുക്കില്ലയെന്നു പ്രതിജ്ഞയെടുത്തു മുന്നേറാം.

ചിക്കാഗോ കനാ

എന്നെന്നും ക്നാനായക്കാരോടൊപ്പം