നോമ്പുകാലത്തെ പരിശുദ്ധ ചതി

   "വിശുദ്ധമായ" കരങ്ങളില്‍ ഈശോയുടെ വിശുദ്ധ ശരീരത്തിന്റെയും രക്തത്തിന്റെയും പ്രതീകമായ അപ്പവും വീഞ്ഞും ദൈവതിരുസന്നിധിയിലേക്ക് ഉയര്‍ത്തേണ്ട വ്യക്തിയാണ് ഇന്ന് തലങ്ങും വിലങ്ങും അസത്യങ്ങളാല്‍ ബ്ലോഗുകളില്‍ തന്റെ അജെണ്ടകളാല്‍ കുത്തി നിറയ്ക്കുന്നത്.  LA  യില്‍ എടുത്ത അടിസ്ഥാനപരമായ തീരുമാനങ്ങളില്‍ ഒന്നായ മീഡിയ കണ്ട്രോള്‍ അപ്പാടെ കാറ്റില്‍ പറത്തി തന്റെ ജാരസന്തതിയായ നോര്‍ത്ത് അമേരിക്കന്‍ ബ്ലോഗിലൂടെ “ഞാനൊന്നും അറിയില്ല ദേവനാരായണ” എന്നപോലെ     നിരന്തരമായി തട്ടിവിട്ടുകൊണ്ടിരുന്നത്. അജെന്ടയില്‍ ഇല്ലാതിരുന്ന ക്നാനായ റീജിയന്‍ മീറ്റിങ്ങിനെ ഇന്ന് വാനോളം പുകഴ്ത്തി പത്രങ്ങളായ പത്രങ്ങളിലെല്ലാം കത്തിക്കയറുമ്പോള്‍ പങ്കെടുത്ത അംഗങ്ങളുടെ മിഷനിലെ സ്ഥാനങ്ങളും അവര്‍ക്ക് പങ്കെടുക്കാന്‍ അച്ചന്‍ നിശ്ചയിച്ച യോഗ്യതകളും കൂടി പരസ്യപ്പെടുതണ്ടാതായിരുന്നു. ചിക്കാഗോ മാത്രം എടുത്താല്‍ നാലില്‍ മൂന്നുപേരും തങ്ങളുടെ കയ്യിലിരുപ്പിനാല്‍ വളരെ മിടുക്കരാണ്. ബാക്കിയുള്ള സ്ഥലങ്ങളിലെ MLA സഹോദരങ്ങളെയും പിന്നെ ബാക്കിയുള്ളവരെയുംപറ്റി ചെറിയൊരു അന്വേഷണം നടത്തിയാല്‍ വളരെ നന്നായി പിടുത്തം കിട്ടും. നല്ലൊരു ഗുണ്ടാസംഘത്തെ വാര്‍ത്തെടുക്കാനുള്ള പ്രത്യേക കഴിവ്  VG - ക്ക് ഉണ്ടെന്നു പറയാതെ  വയ്യ.

ചിക്കാഗോ കനാ നാളിതുവരെ ഉയര്‍ത്തിപിടിച്ച ഏത് ആശയമാണ് അസ്ഥാനത്തായത്?  സമുദായത്തിന്റെ തനിമയും നിലനില്‍പ്പും  നിലനിര്‍ത്തേണ്ട ആവശ്യകത നമ്മുടെ കുടുമ്പങ്ങളില്‍ എത്തിക്കുകയും,  നമ്മിളിലെ ചില ആട്ടിന്‍തോലണിഞ്ഞ ലോഹയിട്ട ചെന്നായ്ക്കളുടെ തനിനിറം പുറത്ത്  ആക്കലുമാണ് ലക്ഷ്യമിട്ടിരിക്കുന്നത്. 2003-ഇല്‍ വ്യക്തമാക്കിയെന്നു പറയുന്ന മിഷന്‍ രൂപ രേഖ രാജകൊട്ടാരത്തിലെ ജോത്സ്യന്‍ പിറക്കാനിരിക്കുന്ന കുഞ്ഞ് ആണ്‍കുട്ടിയായിരിക്കുമെന്ന് പ്രവചിക്കുകയും, പിറന്നപ്പോള്‍ കുഞ്ഞ് പെണ്ണ് ആയതിനാല്‍  കട്ടലപ്പടിയുടെ മറവില്‍ പിറക്കാനിരിക്കുന്ന കുഞ്ഞ് പെണ്‍കുഞ്ഞായിരിക്കുമെന്ന് എഴുതിയിരുന്നു എന്നും രാജകോപം ഒഴിവാക്കാനാണ് കള്ളം പറഞ്ഞത് എന്നും പറഞ്ഞപോലെയാണ്.  നോര്‍ത്ത് അമേരിക്കയില്‍ താമസിക്കുന്ന ഓരോ ക്നാനായ സഹോദരങ്ങളും ആത്മപരിശോധന നടത്തി സ്വയം തീരുമാനിക്കുക മൂലക്കാട്ട് ഫോര്‍മുല നിങ്ങളില്‍ എന്ന് എത്തിച്ചേര്‍ന്നു എന്ന്. ഇന്ന് ഈ രീതിയിലെങ്കിലും മൂലക്കാട്ട് പിതാവിവിടെ വന്ന്‌ നയം വ്യക്തമാക്കിയെങ്കില്‍ അതിന്റെ നേട്ടം ചികാഗോ ക്നായുടെയാണെന്നു ഒരിക്കിലും അഹങ്കരിക്കില്ല. മറിച്ച്‌ തീര്ച്ചയ്യായും KCCNA  നേതൃതത്തിനും ചില നല്ല പുരോഹിതര്‍ക്കും ഉള്ളതാണ്.  വ്യക്തമാക്കിയ നയം ശരിയെങ്കില്‍ എന്തിനാണ് കടലാസ്സില്‍ എഴുതാനും ഒപ്പുവെക്കാനും VG ഒത്തിരി വൈമുഖ്യം കാട്ടിയത്?

നാഴികയ്ക്ക് നാല്പതുവട്ടം ഞാന്‍ നിങ്ങളുടെ പിതാവല്ലന്നും എനിക്ക് നിങ്ങളുടെമേല്‍ യാതോരധികാരാവും ഇല്ലായെന്നും പറയുന്ന നമ്മുടെ മൂലക്കാട്ട് തിരുമേനിയുടെ ഏത് വാക്കിനാണ് നാം വില കല്പിക്കണ്ടത്? സര്‍വ്വ ബഹുമാനങ്ങളോടും കൂടി പിതാവ് പറഞ്ഞ ഫോര്‍മുല അനുസ്സരിക്കണമെങ്കില്‍ അധികാരമുള്ള പിതാവില്‍ നിന്ന് തന്നെ അറിയണ്ടേ. ഞാന്‍ നിങ്ങളുടെ പിരിവുപിതാവ് മാത്രം,  അതിനു വേണ്ടി മാത്രമാണ് ഞാനിവിടെ വരുന്നത് (അങ്ങ് ഇന്നലകളില്‍ വന്നപോലെ ഇന്നും നാളെയും എന്നാളും ഞങ്ങള്‍ മനസ്സ് തുറന്ന് ലോകാവസാനം വരെ അകമഴിഞ്ഞ് വേണ്ടത് ചെയിതിരിക്കും. കാരണം ഞങ്ങളുടെ സ്വന്തം ചോര തന്നെയാനവിടെയുള്ളത്. ഞങ്ങളൊരിക്കലും അഹങ്കരിക്കില്ല.)  അങ്ങാടിയത് പിതാവ് മാത്രമാണ് നിങ്ങളുടെ പിതാവെന്ന് ആയിരം തവണയിലധികം അങ്ങ് പറഞ്ഞുകഴിഞ്ഞില്ലേ.  അതല്ലങ്കില്‍ ഭംഗി വാക്കിനായെങ്കിലും ഒരിക്കലെങ്കിലും അങ്ങ് പറയണമായിരുന്നു ഞാന്‍ എന്റെ ക്നാനായ ദൈവമക്കളുടെ പിതാവെന്ന്.  പറയില്ല ഒരിക്കലും കാരണം നമ്മുടെ കുടുമ്പത്തില്‍ നിന്ന് തന്നെ തിരഞ്ഞെടുത്ത സമുദായത്തിന്റെ അന്തകനാകാന്‍ നിയോഗിക്കപ്പെട്ടവനാണ് ഈ തിരുമേനി.  ഇനി എന്തിനാണ്  VG  ഓടിനടന്ന് അങ്ങാടിയത് പിതാവിന്റെയടുത്തു ഇതുമായി പോകണ്ട  മറിച്ച്‌  മൂലക്കാട്ട് പിതാവിന്റെ വിശദീകരണം മതിയെന്ന് പറഞ്ഞു നടക്കുന്നത്?  കിട്ടില്ലായെന്നു ഉറപ്പുള്ളതുകൊണ്ടാല്ലേ?  ഇല്ലാത്തത് എങ്ങിനെ അങ്ങാടിയത് പിതാവ് എഴുതും എന്റെ VG?
              

                കത്തോലിക്ക സഭയുടെ പേരുപറഞ്ഞ് ഒരു ജനതതിയെ   മുഴുവന്‍ മണ്ടന്മാരാക്കാന്‍ ശ്രമിക്കുന്ന അതിബുധിമാന്മരോട് ചോദിക്കാനുള്ളത് നിങ്ങള്‍ക്ക് എന്നാണ് ബോധം ഉണ്ടാകാന്‍ ബോധിവൃക്ഷത്തിന്റെ ചുവട്ടില്‍ പോയി ഇരുന്നത്.  ക്നാനായ സമുധായത്തിന് ആധുനീക മാനം പകര്‍ന്നു തരാന്‍ മൂലക്കാട്ട് - മുതോലം വരട്ടു ഫോര്‍മുലയുമായി ( മൂമു ഫോര്‍മുല ) കടന്നു വരുന്നവര്‍ നിങ്ങളിലെ ഗൂഡമായ  കോണ്‍സ്പിരസി  ഏത് പൊട്ടനും  മനസ്സിലാക്കാന്‍ വളരെ എളുപ്പമാണ്.

ആ കോണ്‍സ്പിരസിയുടെ വിശദാംശങ്ങള്‍ ഞങ്ങള്‍ നാളെ പ്രസിദ്ധീകരിക്കുന്നതാണ്.

വാല്‍ കഷണം
      അമേരിക്കയില്‍ ഈ ഫോര്‍മുല ഇറക്കി പാസ്സാക്കിയതിനു ശേഷം കേരളത്തിലേക്ക് കയറ്റുമതി ചെയ്യാന്‍ ഉള്ള പരിപാടി നിര്‍ത്തി ഇല്ല എങ്കില്‍ ആഞ്ഞു വീശാന്‍ പോകുന്ന ക്നാനായ പ്രതിഷേധ കൊടുങ്കാറ്റിനു മുന്നില്‍ പിടിച്ചു നിക്കാനുള്ള ശക്തി ഒരു സഭാ സംവിധാനത്തിനും ഉണ്ടാകില്ല എന്ന് കൂടി ഓര്‍മിപ്പിച്ചു കൊള്ളട്ടെ.ഇത് സമുദായത്തിന്റെ ആഭ്യന്തിര കാര്യം ആണ്.സഭയും സമുദായവും രണ്ടാണ്.ഈ സമുദായത്തിന് ഒരു പാരംപര്യമേ ഉള്ളു.ഒരു നിയമമേ ഉള്ളു.ക്നാനായ സമുദായത്തിലെ കുറെ പേര്‍ ഉള്ള ഒരു സഭ എന്ന് മാത്രമേ ഞങ്ങള്‍ക്ക് സീറോ മലബാരുമായി ഉള്ള ബന്ദം.മറ്റു സഭകളിലും ഞങ്ങളുടെ സഹോദരര്‍ ഉണ്ട്.ഈ സീറോ മലബാര്‍ എന്നുണ്ടായതാണ്?അതിനു എത്രയോ മുന്‍പേ ഉള്ളതാണ് ഞങ്ങള്‍ ക്നാനായക്കാര്‍.ഈ സീറോയും, വൈദികരും ഇല്ലാതിരുന്ന എത്രയോ നൂറ്റാണ്ടുകള്‍ ക്രൈസ്തവ വിശ്വാസവും, മൂല്യങ്ങളും ഉയര്‍ത്തി പിടിച്ച ജനതതി ആണ് ക്നാനായക്കാര്‍.ലളിതം ആയി പറഞ്ഞാല്‍ സീറോ മലബാറിന് അപ്പന്‍ ഉണ്ടാകുന്നതിനു എത്രയോ മുന്‍പേ  ക്നാനായക്കാരന് അപ്പന്‍ അപ്പൂപ്പന്മാര്‍ ഉണ്ടായിരുന്നു.ആ ക്നാനായക്കാര്‍ക്ക് ഇന്നലത്തെ മഴയത് മുളച്ച തകരകളുടെ തണല്‍ ആവശ്യം ഇല്ല.തീയില്‍ കുരുത്തത് വെയിലത്ത്‌ വാടില്ല.

ചിക്കാഗോ കനാ

എന്നെന്നും ക്നാനായക്കാരോടൊപ്പം