ഞങ്ങളുടെ പ്രിയ കുഞ്ഞാഞ്ഞക്ക് ചക്കരയുമ്മ !!!

" ഇപ്പോൾ ചിക്കാഗോ സമയം രാത്രി കൃത്യം  9.30 .കുഞ്ഞാഞ്ഞ കൊണ്ടുവന്ന പ്രിസ്സർവേറ്റീവ്സ്സ് ഇല്ലാത്ത വയനാട്ടിലെ കാട്ടുപോത്തിൻറെ   ഉണക്കയിറച്ചി ചതച്ചിടിച്ച് ഉണക്ക് മുളകും കൂട്ടി വറുത്ത് ചൂട് കുത്തരി ചോറ് ഉണ്ടിട്ട് ഞങ്ങൾ ഇപ്പോൾ കയ്യും കഴുകി എണീറ്റതേ ഉള്ളൂ. നിങ്ങൾക്ക് അറിയോ എത്ര നാളായി ഞങ്ങളുടെ കുഞ്ഞാഞ്ഞയെ ഒന്ന് കണ്ടിട്ട്. വറുത്തുലത്തിയെടുത്ത ഉണക്കയിറച്ചിപോലെ ഞങ്ങൾക്ക് കുഞ്ഞാഞ്ഞയെ ഒത്തിരി ഇഷ്ടമാ. സന്തോഷം കൊണ്ട് പൊട്ടിക്കരഞ്ഞാ ഞങ്ങളും കുഞ്ഞാഞ്ഞയും കൂടി ഇന്ന് എയർപ്പോർട്ട് മുതൽ വീട് വരെ എത്തിയത്. ഇപ്പം നിങ്ങൾക്ക് മനസ്സിലായില്ലേ നിങ്ങൾ പറയും പോലെ ഞങ്ങളുടെ കുഞ്ഞാഞ്ഞക്ക് യാതൊരു നാണവും ഇല്ലായെന്ന്. ഇനിയും വരും എപ്പോഴും വരും ഞങ്ങളുടെ കുഞ്ഞാഞ്ഞ അമേരിക്കയിലേക്ക്. നാണം കെട്ടവൻ എന്ന് നിങ്ങൾ ഞങ്ങളുടെ കുഞ്ഞാഞ്ഞയെ വിളിച്ചാൽ അത് അങ്ങേർക്ക് ഒരു അലങ്കാരമാ."

കണ്ടില്ലേ മുകളിൽ പറഞ്ഞിരിക്കുന്നത് ? ഇന്ന് മുതൽ ഞങ്ങൾക്ക് കുഞ്ഞാഞ്ഞ വന്ന സന്തോഷത്താൽ ഉൽസ്സവ കാലം ആരംഭിച്ചിരിക്കുന്നു. ആഗോഷങ്ങൾ ഏറെയാണ് പ്ലാൻ ചെയിതിരിക്കുന്നത്. " മുമേമൂ " ത്രിവേണി സങ്കമത്താൽ ( മുത്തോലം, മേലേടം , മൂലക്കാടാൻ ) പുണ്ണ്യമായിരിക്കുകയാണ് ഇന്നുമുതൽ അമേരിക്കൻ മണ്ണ്. മേലേടത്തിനെ മുത്തോലത്തിന്റെ " വംശവിനാശക " പദവിയിലേക്ക് ഉയർത്തുന്ന ചടങ്ങ് സർവ്വ ചാഴികളെയും അളിയൻ മെത്രാനെയും വളിമറ്റത്തെയും സാക്ഷിയാക്കി നടത്തപ്പെടും. ചതിക്കും വഞ്ചനക്കും എന്നും സഭ കൂട്ടായിരിക്കും എന്ന് ഉറപ്പ് തരുന്ന മേലേടത്തിന്റെ അഭിക്ഷേക ചടങ്ങിലേക്ക് സർവ്വർക്കും സ്വാഗതം. താൻ ഏൽപ്പിച്ചിരിക്കുന്ന മിഷൻ മുതോലവും മേലേടവും ഭംഗിയായി നിർവ്വഹിച്ചു എന്ന് നേരിട്ട് ഉറപ്പു വരുത്തുന്ന തിരുമേനിക്ക് ഇതിൽ കൂടുതൽ സന്തോഷത്തിന് എന്ത് വകയാണ് വേണ്ടത്.

കുഞ്ഞാഞ്ഞ നേരിട്ട് ഇവിടം വരെ വന്ന സ്ഥിതിക്കും പള്ളിക്കൂടത്തിൽ പോയി ഒത്തിരി പഠിച്ച വ്യക്തി എന്ന നിലക്കും അപ്പസ്തോല പിൻഗാമികളുടെ പണി വിട്ട് ഭൌതീക കാര്യങ്ങളിൽ മുഴുകി മാഫിയാ തലവനായി തന്നിൽ ഭാരമേൽപ്പിച്ചിരിക്കുന്ന അജഗണത്തെ ഫറവോന്റെ അടിമത്തത്തിലേക്ക് ഇസ്രയേൽ ജനത്തെ തള്ളി വിട്ടയെന്നപോലെ അങ്ങാടിയുടെ കശാപ്പ് ശാലയിലേക്ക് വിറ്റ സ്ഥിതിക്കും കാര്യങ്ങൾ ഒക്കെ നന്നായി ഒന്ന് പഠിച്ചിട്ട് തിരിച്ചു പോകാൻ ശ്രമിക്കുക. കുറച്ച് നാൾ മുൻപ് വരെ ഹ്യൂസ്റ്റനിൽ താങ്കൾക്ക് വേണ്ടി താങ്കൾ പറഞ്ഞതൊക്കെ അനുസ്സരിച്ച് ഒരു നല്ല ക്നാനായ സമൂഹത്തെ മുഴുവൻ ഇന്നത്തെ ദുരവസ്തയിലേക്ക് തള്ളി വിട്ട ഇല്ലികത്തനാർ ഇന്ന് ഹ്യൂസ്റ്റൻ ക്നാനായ മിഷന്റെ ആർട്ടിക്കൾ ഭേദഗതി ചെയിതുവെങ്കിൽ അത് എന്തിന് വേണ്ടി ? ഇനി അത് തെറ്റെങ്കിൽ മുത്തോലത്തിന്റെ മറ്റ് സങ്കരപള്ളികളുടെ ബൈലോകൾ മുഴുവൽ ഒന്ന് ഹരിച്ച്‌ ഗുണിച്ച്‌ അങ്ങാടിയുടെ സാന്നിദ്ധ്യത്തിൽ നോക്കുക. എന്നിട്ട് ഇവ തമ്മിലുള്ള വ്യത്യാസം എന്തെന്ന് മുതോലത്തിനെ മടിയിലിരുത്തിയും മേലേടത്തിനെ തോളിലിരുത്തിയും തൊട്ടുതലോടി ചോതിച്ചു നോക്കുക.

സ്വതന്ത്ര ഭരണാധികാരം ഇല്ലാത്ത ഒരു സങ്കര ക്നാനായ മിഷന് സഭയുടെ നിയമങ്ങൾ കാറ്റിൽ പറത്തി ഓരോ കോർപറേഷന്റെ പേരിൽ സ്വത്തുക്കൾ വാങ്ങിപ്പിച്ച് പള്ളിയോഗ നടപടിക്രമവും ഇല്ല കോർപറേഷൻ നിയമങ്ങളും ഇല്ലാതെ ജനയിതാവിന് തലേന്ന് പിറന്നവനെപ്പോലെ പ്രവർത്തിക്കുന്ന പള്ളികളിൽ ആരാണ് യഥാർത്ഥ ഉടമസ്ഥർ ? തന്റെ ചുറ്റും മുത്തി നടക്കുന്ന ഏറാൻ മൂളികളെ നോമിനേറ്റ് ചെയിത് ഓരോ വർഷവും ഓരോ ബോർഡുണ്ടാക്കി താന്തോന്നിത്തരം കാട്ടുന്ന പകൽ കൊള്ളക്കാരായ പാതിരിമാരെ തിരഞ്ഞു പിടിച്ച് അമേരിക്കയിലേക്ക്‌ അയച്ച് അമേരിക്കയുടെ നിയമ വ്യവസ്ഥയെ കാറ്റിൽ പറത്തി മൂന്നാംകിട രാജ്യത്തിലെ അടിമത്ത്വവാഴ്ച്ച  ഇമ്പോർട്ട് ചെയ്യുമ്പോൾ ഈ മഹത്തായ രാജ്യത്തിലെ സിവിൽ ക്രിമിനൽ ഇമിഗ്രേഷൻ നിയമങ്ങളെപ്പറ്റി ചെറിയൊരു അറിവ് ഉണ്ടായിരിക്കുന്നത് വളരെ നല്ലതായിരിക്കും. അമേരിക്കയിൽ കുടിയേറിയ ഒരു കുടിയേറ്റ ജനതയുടെ പൌരസ്വാതന്ത്ര്യം സീറോ മലബാർ സഭയുടെ പതിനെട്ടാം നൂറ്റാണ്ടിലെ നിയമങ്ങൾ കൊണ്ട് ചൂഴ്ന്ന് എടുക്കാമെന്ന് വിചാരിച്ചാൽ ഞങ്ങളുടെ പോന്നു തിരുമേനിമാരേ നിങ്ങൾക്ക് തെറ്റി. മുതോലത്തിനെ ചുമക്കുന്ന നിങ്ങൾക്കും നിങ്ങളുടെ സീറോ സഭയ്ക്കും നാറും. ഇനിയൊരു ചതിക്ക് അമേരിക്കൻ ക്നാനായ കുടിയേറ്റ ജനതയെ വിട്ട് തരില്ല. ഉണർന്ന് കഴിഞ്ഞു ക്നാനായ മക്കൾ.